El xuez de l'Audiencia Nacional José de La Mata propunxo abrir xuiciu oral contra'l cantante José Ramón Julio Márquez, de nomatu 'Ramoncín', l'ex director xeneral de la filial dixital de la SGAE (SDAE) José Luis Rodríguez Neri, l'ex director general Enrique Loras y el exdirector de los Servicios Xurídicos Pedro Antonio Hernández, por cargar presuntamente la entidá factures falses o por servicios inexistentes.

   El maxistráu, qu'entmaó una pieza separada de la causa principal na que s'investiga l'esvíu de fondos na Sociedá Xeneral d'Autores (SGAE) y tresformó les actuaciones  en procedimientu acortáu, equivalente al procesamientu, considera a los cuatro exdirectivos responsables de delitos de falsedá documental, apropiación indebida y alministración fraudulenta.

   El xuez dio un plazu de diez díes al Ministeriu Fiscal y a les acusaciones pa que presenten los sos escritos de calificación o escepcionalmente reclamen la práctica de dilixencies complementaries con anterioridá a l'abertura de xuiciu oral.