El ministru del Interior, Jorge Fernández Díaz, afirmó esti martes que "nun consta tovía nenguna comunicación" na Delegación del Gobiernu de Madrid sobre les concentraciones convocaes pol 15M pal 23 de mayu. Coles mesmes, alvirtió que si se pretenden realizar "la llei va facese cumplir".
"Si tenemos conocencia de que pretenden realizase (...) vamos ponelo darréu en conocencia de la Xunta Electoral Provincial baxo'l principiu de qu'evidentemente la llei va facese cumplir en tou casu", señaló en declaraciones nos pasiellos del Senáu.
El ministru recordó que la llei esixe que se comunique a la Delegación de Gobiernu la convocatoria de manifestaciones y concentraciones. Amás, según esplicó, les xornaes de reflexón previes a los procesos electorales tán "especialmente tutelaes y protexíes pola llei electoral".
