La situación aniciada pon n'evidencia la desdexación de funciones de Conceyu y “Principado”, énte los problemes y necesidaes de los vecinos.

Sieru.-Nel díi d'ayeri Andecha Astur interpelló al Gobiernu español al traviés del diputáu de Amaiur Jon Iñarritu, sociu de la coalición de Los Pueblos Deciden, pa determinar de quien ye la responsabilidá de les inundaciones queperiodicamente se repiten na carretera Valdesoto-Carbayín (que non necesaria nin puramente tien porque ser Adif) y pidir desplicaciones de cómu y cuandu se va a intervenir pa solucionales.

Andecha Astur considera vergoñosa la desdexación de funciones del Conceyu de Sieru y del “Principado”, incapaces d’iguar un problema rellativamente cenciellu, del que tienen conocencia dende va años y que dexaron enquistar desoyendo les necesidaes de los vecinos afeutaos, dexándolos nuna inaceptable situación d'indefensión. Tienen tan desdexaos a estos vecinos qu’ensiquiera en campaña, periodu d’obres espress, actúen.

Nel mesmu sen, considera llamentable qu'IU ningunée a les Istituciones Asturianes y recurra agora al Senáu español por esti problema cuandu cunten con representación tantu nel Conceyu Sieru como nel “Principado”, Istituciones énte les que debieren intervenir en primer llugar pa solucionar esti problema, y nes que nun fixeron absolutamente ná.

Recurrir al Senáu español y nun actuar nes istituciones asturianes direutamente implicaes dexa n'evidencia tantu a IX, pola so descordinación interna y la so política d'actuación a saltu mata;  comu a les mentaes istituciones, a les que desprecia y asitia nel tarrén puramente ornamental.