Asturies (E.P.).-La Selmana de Les Lletres Asturianes, que va celebrase del 2 al 10 de mayu, va incluyir una llectura pública institucional del Quixote, nesti casu en llingua asturiana, utilizando la traducción acabante de publicase del filólogu Pablo García Suárez.
Trátase de la principal novedá del programa d'esti añu, presentáu esti xueves en rueda prensa pola conseyera de Cultura, Ana González, acompañada de la directora xeneral de Política Llingüística, Ana Fueyo, y el viceconseyeru de Cultura, Alejandro Calvo.
L'actu nel que va lleese la versión 'L'inxeniosu fidalgu Don Quixoste de la Mancha', va tener llugar nel paraninfu de la Universidá d'Uviéu, ente les 12.00 y les 14.00 hores del miércoles 6 de mayu. Esi mesmu día celebraráse una mesa redonda sobre'l mundu del cómic n'asturianu, en presentándose 'L'arume de la tierra', d'Enrique Carballeira, ganador del premiu Alfonso Iglesias de cómic.
La programación d'esti añu inclúi l'actu institucional na Xunta Xeneral del Principáu, que va tener llugar a les 12.00 hores del martes 5 de mayu, na Xunta Xeneral, asina como visites escolares guiaes en llingua asturiana pola Xunta Xeneral y tamién visites n'asturianu pa tolos públicos al Muséu Belles Artes d'Uviéu.
Presentaciones de llibros, como'l de 'L'aire ente la rama', d'Ángeles Carbajal, ganador del premiu Xuan María Acebal de Poesía, un actu d'homenaxe a la lliteratura en gallego-asturianu, la Feria del Llibru y del Discu N'asturianu, que se celebrará a partir del xueves, 7 de mayu, n'Avilés, o conciertos de 'Pop Piquiñín', en Llaboral Ciudá de la Cultura, de Xixón, el martes 5, a partir de les 11.00 hores completen la programación.
3000 PUBLICACIONES
La directora xeneral de Política Llingüística destacó la publicación de más 3000 llibros en llingua asturiana per parte de la Conseyería de Cultura. Van Ser el ganadores de los cinco premios lliterarios que se convoquen cada cañu, a razón de 600 exemplares pa cada modalidá.
Tamién señaló que se reciben añalmente unes 80 solicitúes p'ayudes a la edición de llibros n'asturianos, de les que se suelen aceptar la mayoría. Como requisitu esíxese que seyan tiraes d'un mínimu de 500 exemplares.
