Les autoridaes d'Indonesia executaron con un pelotón de fusilamientu esti miércoles a ocho de los nueve presos condenaos a muerte por delitos de tráficu de drogues, según informó'l diariu 'Jakarta Post' na so edición dixital.

   "Llevamos a cabu les execuciones", informó un responsable de la Fiscalía Xeneral indonesia. La presa filipina Mary Jane Festa Veloso, que tamién figuraba ente los condenaos a muerte pendientes d'execución, llibróse del pelotón de fusilamientu porque una muyer entregóse a la Policía esti martes y aseguró que foi ella la que la reclutó pa que traficara con drogues.

   Los ocho presos executaos son l'indonesiu Zainal Abidin, los australianos Andrew Chan y Myuran Sukumaran, el brasileñu Rodrigo Gularte, los nixerianos Sylvester Obiekwe Nwolise, Raheem Agbaje Salami y Okwudili Oyatanze, y el ghanés Martin Anderson.