La candidata del PP a l'Alcaldía de Madrid, Esperanza Aguirre, aseguró esti llunes que quier "estudiar enforma" ónde duermen los 'sin techu' na capital pa que nun afecten al turismu y encamienta  que parte de les manifestaciones que se celebren nel centru se desarrollen n'otros sitios porque "avienten" a los visitantes.

   Asina lo destacó esti llunes tres reunise, xunto col presidente de les Isles Baleares, José Ramón Bauzá Díaz, colos principales axentes del sector turísticu pa ver les propuestes que la candidata del PP llevará de cara a gobernar l'Alcaldía dende'l próximu 24 de mayu.

   Con ello calcó en que'l Conceyu y la Comunidá "tienen servicios sociales p'acoyer y agospiar nes viviendes de protección social aquelles persones qu'en dalgún momentu de la so vida lo precisen", aseguró.

   Nesti sen, destacó que'l so lema ye "ocupase primero de les persones que la precisen" y qu'otra cosa ye "que se decidiera que dormir na cai tea permtío", causa que señaló pretende "estudiar enforma" pa saber "cuála ye la razón pola qu'antes venía'l Samur Social y ofrecía a les persones que dormíen na cai un albergue y si nun queríen facía-yos una valoración sanitaria y dempués llimpiábase tola zona".

   Nesti sen, afirmó qu'en barrios céntricos como'l Barriu de les Lletres, o la Plaza Mayor, ente otros, "la mayor quexa de los vecinos ye porque hai una serie de persones, xeneralmente d'orixe estranxero, formando parte d'organizaciones y de mafies que tán entamaes non solamente pa sobrevivir sinón tener un bon vivir a base d'estes cuestiones qu'hai qu'estudiar y esaniciar", indicó.