L'alpinista alemán Jost Kobusch colgó en YouTube un videu del argayu de nieve nel Campu Base del Everest provocada pol terremotu de 7,8 qu'afectó a Nepal el pasáu sábadu.

   Namás dase cuenta del argayu, Kobusch cuerre a requexu y diz-y a un compañeru que se "agarre de la chaqueta" pa nun resultar arrastráu polos fuertes vientos provocaos pol desprendimientu.

   Sobrevivientes del argayu, que pel momentu dexó 18 finaos, comentaron que sintieron un ruiu de gran intensidá nos momentos previos, "una esplosión nuclear", en palabres del alpinista británicu Alex Gaven, na so cuenta de Twitter.

   El capitán del Exércitu británicu Tim Bradshaw, presente nos llabores de rescate nel norte del monte, describió que la superficie ye bien inestable. "Tamos escuchando ruiu de roques al nuesu alredor pero nun podemos veles venir. Da munchu mieu", declaró en comentarios recoyíos pola cadena Sky News.

https://www.youtube.com/watch?v=_JC_wIWUC2U