L'escritor Juan Goytisolo llegó esti xueves al paraninfu de la Universidá de Alcalá de Henares, onde va recibir el Premiu Cervantes, tal como prometió: sin xaqué y sin demasiada emoción, anque vistíu con una corbata que, según señaló, tien 35 años. Eso sí, según bromió a la montonera de periodistes que lu arrodiaron a la so llegada, siéntese como "Luis Bárcenas al llegar al xulgáu".
"Nun siento emoción nenguna", aseguró a la prensa l'autor barcelonés, qu'amás señaló que se siente como si fuera'l so "doble", un doble que va espresar "munches coses en poques palabres" mientres el discursu que va pronunciar nesta ceremonia d'entrega, que va entamar a les 12.00 hores.
Juan Goytisolo, que'l pasáu mes de xineru cumplió 84 años, repitió una vez más que nun busca los premios, en respuesta sobre la so posible emoción por otros galardones como'l Príncipe d'Asturies.
