El ministru de Facienda, Cristóbal Montoro, aseguró que nos últimos años ficiéronse surdir 100.000 millones d'euros de cuentes nel estranxeru de 140.000 contribuyentes, lo que considera una cifra "impresionante".
Montoro fizo frente esti miércoles a dellos pidimientos de diputaos socialistes, ente ellos, Pedro Sánchez, pa que dimita por "decencia política". Ente otres coses, el PSOE critica la llamada amnistía fiscal del 2012 y el fechu de qu'agora se publicó qu'unu de los beneficiarios ye l'antiguu vicepresidente del Gobiernu y director xerente del Fondu Monetariu Internacional (FMI), Rodrigo Rato.
El titular de Facienda preguntó si esti oxetivu socialista de xubilalu "tien que ver" cola recuperación de la economía y l'empléu n'España, y cola reducción del déficit público "calteniendo l'Estáu del Bienestar" que ta teniendo llugar.
"¿Tien que ver con que surdieron más de 100.000 millones d'euros de recursos declaraos nel esterior en trés años, una cifra realmente impresionante, correspondientes a 140.000 contribuyentes?", añdió'l ministru.
CIFRES QUE NUNCA SE DIERON
El ministru recordó nesti sen que daqué asina "nun asocediera nunca na Historia española, y que ye'l meyor exemplu de cómo se llucha contra'l fraude, porque tres les declaraciones hai "un esclaramientu de posiciones que teníen de tar esclariaes".
"Preguntar por qué nun lo taben y agora sí. Ye porque con esti Gobiernu les instituciones tán funcionando con un rigor y eficacia contrastable en cifres. Pero a usté l'alderique de cifres nun-y interesa, nun-y interesó nunca", atayó.
