El diputáu de Amaiur, Jon Iñarritu, que davezu presenta les entrugues ya iniciatives d’Andecha Astur nel Congresu español, va tar n'Asturies el xueves y vienres 23 y 24 d'abril  p'aconceyar cola Xunta Executiva d'Andecha Astur y con distintos colleutivos asturianos que tán pendientes d'aresolvimientu de la so problemática al traviés de les iniciatives presentaes pol diputáu.

El programa pa estos díis va ser bien intensu. El xueves ta previsto que s'entreviste cola X.E. d’Andecha Astur, vecinos  de San Andrés de los Tacones y col conceyal de l'Asociación Morciniega Independiente, Manuel Mallada.

El vienres el turnu va ser pa los vecinos de Bañugues, los candidatos d’Andecha Astur y la Corriente Sindical d'Izquierda, con cuya direición va caltener un alcuentru.

Ente los puntos a desendolcar na so axenda estos díis ta tamién la ellaboración d'una batería propuestes pa presentar a nivel del Gobiernu central, pero tamién na Xunión Europea, al traviés del eurodiputáu que comparten Amaiur y Andecha Astur comu miembros de Los Pueblos Deciden. Ente elles temes tan trescendentes p’Asturies comu l'Autopista del Mar, los Fondos Mineros, la incineraora de Serín, el saneamientu y vertíu d'agües residuales y la contaminación del aire