El cantante estaounidense Percy Sledge, popular principalmente pol so éxitu de los sesenta 'When a man loves a woman', morrió esti martes a los 73 años na so casa de Baton Rouge (Louisiana), dempués de dellos años lluchando contra'l cáncer.

   La noticia de la so muerte confirmóla a ABC News el so representante, Steve Green. "Él foi unu de los mios primeres artistes, yera una persona tremenda, y nun alcuentres davezu eso nesti negociu", dixo Green.

   Sledge grabó en 1966 el so gran éxitu 'When a man loves a woman' (compuestu por Calvin Lewis y Andrew Wright), col qu'accedió a la lleenda de la música del sieglu XX. El cantante Michael Bolton volvió popularizar en 1990.

   Nos setenta tuvo otros grandes éxitos como 'I'll be your everything' y 'Sunshine', magar el so primer gran cantar foi la que lu acompañó siempre, hasta na so entrada  nel 2005 nel 'Rock and Roll Hall of Fame'.