L'expresidente de la Xunta d'Andalucía y senador José Antonio Griñan manifestó esti xueves al cabu de la so declaración nel Tribunal Supremu polos ERE irregulares n'Andalucía que nun hubo "un gran plan (pa defraudar) pero sí hubo un gran fraude", y eso significa que "dalgún de los controles pudo fallar".

   Tres cuatro hores de declaración ante'l maxistráu del Tribunal Supremu Alberto Jorge Barreiro Griñan manifestó'l so preste por poder esplicase en sede xudicial y espresó'l so "refugu" por tolos fechos irregulares que se produxeron nesti asuntu.

   Según fontes presentes na declaración Griñán negó conocer, porque nun-y enviaron los informes d'Intervención Xeneral de la Xunta d'Andalucía qu'alvertíen d'irregularidaes nos ERE fraudulentos y desvinculáronlos de la xestión de los gastos n'ayudes socio-llaborales.

   L'expresidente andaluz espresóse en términos bien técnicos a les preguntes que-y realizó l'instructor y diferenció ente la xestión de los presupuestos, que sí year de la so competencia -al respective de la que defendió l'usu de les denominaes "tresferencies de financiación"- de la xestión del gastu, que nun year de la so responsabilidá sinón de la Conseyería d'Empléu.

   A lo último de la so intervención, esplicó que la so dimisión obedeció a nun querer perxudicar al PSOE nin a la Xunta d'Andalucía y que defende que'l sistema d'ayudes year llegal.