L'únicu sobreviviente del accidente que se produxo nel Atles el pasáu día 29 de marzu, Juan Bolívar, acusó esti xueves a la Xendarmería marroquina de cometer "un asesinatu" col so compañeru d'espedición José Antonio Martínez, que tuvo con vida y consciente cinco díes antes del rescate, que foi "una chambonada".

   Nuna multitudinaria rueda prensa en Granada, qu'empezó con un minutu de silenciu en memoria de los dos finaos, Bolívar criticó nesi sentíu l'actuación de la Xendarmería marroquina nel rescate de la espedición, que taba encabezada por Gustavo Virués, fináu nel accidente. Ello ye qu'esplicó que'l so compañeru pudo morrer afogáu o de fríu, puesto que l'equipu de la Xendarmería dexó la so camiya embaxo un tabayón.