A menos d'un mes del regresu de 'Juego de tronos' a HBO, los fans puen ver un nuevu adelantu con Arya (Maisie Williams) como protagonista. La moza llega a Braavos y trata d'utilizar la so misteriosa moneda, pero nesta ocasión nun llogra'l resultáu esperáu.

   A lo último de l'anterior temporada d'episodios, la moza Stark llogra embarcase camín de Braavos n'enseñando la moneda que Jaqen H'ghar (Tom Wlaschiha) apurriéra-y na segunda entrega y recitando la frase "Valar Morghulis" ('Tolos homes tienen de morrer').

   Nel nuevu clip, de poco más de trés minutos de duración, Arya trata de volver utilizar el mesmu trucu pa entrar nun templu de Braavos. Pero'l sacerdote que custodia la entrada nun paez interesáu  en dexar entrar a la moza Stark.

    "Hola. Valar Morghulis. Jaqen H'ghar diome esto", recita Arya enseñando la misteriosa moneda ante'l sacerdote que custodia la puerta del templu. Ante la negativa d'ésti, Arya esplíca-y: "Por favor, crucé l'océanu. Nun tengo nengún otru sitiu a onde dir".