El primer ministru helenu, Alexis Tsipras, comprometióse esti xueves ante los líderes de la UE a presentar una llista completa de "reformes concretes" mientres los "próximos díes" col fin de desbloquiar les negociaciones cola 'troika' pa desbloquiar un nuevu tramu del rescate.
"El Gobiernu griegu asume una plena responsabilidá en materia de reformes y nos próximos díes va enviar una llista completa con reformes bien concretes", anunció la canciller alemana, Angela Merkel, en rueda prensa al cabu de la minicumbre sobre Grecia.
Les reformes van examinase dempués na 'troika' en Bruxeles y n'Atenes. El presidente del Eurogrupu, Jeroen Dijsselbloem, anunció que ta dispuestu a convocar una xunta en cualquier momentu cuando haya acuerdu pa validar les reformes, según Merkel.
