El PSOE-A diba ser la fuerza más votada de celebrase agora elecciones autonómiques n'Andalucía col 34,7 por cientu de los votos, siguíu pol PP-A, que llograría'l 25,7 por cientu, lo qu'asitia la diferencia ente les dos fuerces mayoritaries en nueve puntos. Pela so parte, Podemos entra como tercer fuerza con un apoyu del 19,2 por cientu y llograría ente 21 y 22 escaños nel nuevu Parlamentu andaluz.
Asina lo reflexa'l barómetru sobre intención de votu nes elecciones autonómiques del 22 de marzu publicáu esti xueves pol Centru d'Investigaciones Sociolóxiques (CIS) coincidiendo prácticamente col entamu de la campaña.
El sondéu realizáu del 30 de xineru al 17 de febreru sobre una muestra de 3.140 entrevistes en toa Andalucía-- asitia sicasí a la formación que lidera Susana Díaz con 44 escaños, lloñe de la mayoría absoluta --55 diputaos--, mientres que'l PP-A quedaría con 34.
El barómetru del CIS dexa a IULV-CA al cuartu llugar col 6,6 por cientu de los votos y ente 4 y 5 escaños, mientres que Ciudadanos estrenaríase nel panorama políticu andaluz en quinta posición, col 6,4 por cientu de los sufraxos y 5 escaños. UPyD, col 2,3 por cientu de los votos, y el PA, col 1,2 porr cientu, quedaríen fuera a del Parlamentu.
El PSOE-A sería la fuerza más votada en toles provincies y en Cádiz y Sevilla Podemos tornaría na segunda fuerza más votada, adelantando al PP.
