El númberu d'españoles que formen parte de la llista de persones con un patrimoniu de polo menos 1.000 millones de dólares (891 millones d'euros), ellaborada pola revista 'Forbes', baxó a 21 na so edición del 2015, lo que supón cinco menos en comparanza col añu anterior.
L'empresariu español Amancio Ortega vuelve ser con diferencia l'español más ricu, anque dexa una posición na llista de les mayores fortunes globales del 2015, que-y otorga'l cuartu puestu con un patrimoniu de 64.500 millones de dólares (57.598 millones d'euros).
Tres el fundador d'Inditex, apaez la so fía Sandra Ortega, dempués d'elevar la so fortuna hasta los 6.300 millones de dólares (5.613 millones d'euros), lo que-y permite subir dende'l puestu 227 qu'ocupara nel 2014 na llista xeneral al 225.
Hasta la tercer posición ente los españoles sube nel 2015 Juan-Miguel Villar Mir, que vio aumentar la so fortuna dende los 2.500 millones de dólares (2.228 millones d'euros) del 2014 hasta los 5.700 millones de dólares (5.079 millones d'euros), pasando del puestu 687 al 259 na xeneral.
Pela so parte, Juan Roig vuelve ser el cuartu español más ricu y el 277 del mundu con una fortuna de 5.400 millones de dólares (4.812 millones d'euros), mientres qu'Isac Andik pasa del tercer al quintu puestu nel ranking español y del 244 al 330 nel global, tres baxar la so fortuna hasta 4.800 millones de dólares (4.277 millones d'euros).
HORTENSIA HERRERO DEBUTA EN 'FORBES'.
Hortensia Herrero, dueña d'un 28% de Mercadona y muyer de Juan Roig, debuta na llista 'Forbes' cola sesta posición ente los españoles y la 663 ente los multimillonarios mundiales con un patrimoniu de 2.800 millones de dólares (2.495 millones d'euros). De siguío, ta Alicia Koplowitz, qu'aumentó la so fortuna hasta los 2.300 millones de dólares (2.049 millones de dólares), lo que-y permitió subir hasta'l puestu 810 del ranking.
Rafael Del Pino y Calvo-Sotelo, Manuel Lao Hernandez y Helena Revoredo ocupen el puestu 847 de la clasificación global con una fortuna de 2.200 millones de dólares (1.960 millones d'euros), mientres que Daniel Mate baxa hasta'l 894 con 2.100 millones de dólares (1.871 millones d'euros).
El patrimoniu de 2.000 millones de dólares (1.782 millones d'euros) de Manuel Jove y Florentino Pérez déxalos empataos nel puestu 949, mientres que Juan Abelló baxó la so fortuna hasta los 1.900 millones de dólares (1.693 millones d'euros) y baxó a la posición 1.006 del ranking global.
Los siguientes españoles na llista son Jaime Botín, nel puestu 1.118 y con 1.700 millones de dólares (1.515 millones d'euros) de patrimoniu, y Gabriel Escarrer, con una fortuna de 1.600 millones de dólares (1.425 millones d'euros) nel puestu 1.190.
De siguío, Maria Del Pino y Calvo-Sotelo, con una fortuna de 1.500 millones de dólares (1.336 millones d'euros), ponse nel puestu 1.250 del ranking global, mientres qu'Alberto Cortina, con 1.400 millones de dólares (1.247 millones d'euros), queda nel 1.324.
Los últimos españoles de la llista son Alberto Alcocer, qu'ocupa la posición 1.416 con 1.300 millones de dólares (1.158 millones d'euros), y José Llado Fernandez-Urrutia y Fernando Roig, que comparten el puestu 1.533 con 1.200 millones de dólares (1.069 millones d'euros) caún.
Ente los españoles que figuraben na llista del 2014 y que nesti momentu nun apaecen na llista, alcuéntrase Isidoro Álvarez, fináu en septiembre del 2014; Francisco José Riberes Mera; Juan María Riberes Mera; Leopoldo del Pino y Calvo-Sotelo; José María Aristrain y Enrique Bañuelos.
