La coalición de Angela Merkel tien mayoría abondo pa ganar cualquier votación nel Bundestag, la Cámara Baxa alemana, pa prorrogar el rescate en cuatro meses. Pero munchos diputaos espresaron agora poco la so preocupación sobre si tien que confiase n'Atenes.

   De los 311 diputaos del bloque conservador de Merkel, 22 opunxéronse a la estensión y cinco astuviéronse nuna votación de prueba esti xueves. Los socialdemócrates del SPD, socios del Gobiernu de coalición del país y con 193 escaños, votaron unánimemente a favor de l'ampliación del rescate na so votación de prueba.

   Prevése que los Verdes y el Partíu d'Izquierda lo apoye, lo que daría la mayoría más alta nel Parlamentu alemán pa cualquier rescate de la zona euru hasta'l momentu. Sicasí, munchos parlamentarios tienen rocees.

   "Nun faemos esto polos comentarios (de Grecia) sinón porque beneficia a Alemaña y Europa", afirmó Volker Kauder, líder de los conservadores nel Parlamentu.

   El ministru de Finances alemán, Wolfgang Schäuble, que tuvo una dura posición al respective de Grecia, presionó pa que los parlamentarios aprueben la estensión, diciendo qu'Atenes nun tien unes meyores condiciones sinón namás más tiempu.

   Pero nuna señal de la so frustración, dixo a los conservadores antes del votu del xueves que la prórroga podría vese afectada si Atenes nun s'axustara a les sos promeses y que los comentarios del ministru de Finances griegu qu'enterraren la solidaridá europea.

   El ministru griegu Yanis Varoufakis, qu'acordó la estensión del rescate cola zona euru a cuenta d'un paquete de reformes prometíu pol so nuevu Gobiernu d'izquierda, alicó nos últimos díes la idea d'una quita de deuda y llanzó dudes sobre la so capacidá pa repagar les sos deudes internacionales.

   Schäuble sabe que'l Gobiernu va vender difícilmente'l paquete a los votantes. Un sondéu publicáu esta selmana mostró que namás el 21% de los alemanes apoya la estensión pa Grecia.