La dirección de Metro de Madrid cesó al responsable de Seguridá del suburbanu pol email conocíu la selmana pasada nel que s'encamienta a los revisores del vehículu a aumentar los sos pidimientos de tiques a determinaos grupos como gais, músicos y méndigos, y abrió  espediente disciplinariu a otros dos empleaos de la compañía.

   Según informó Metro de Madrid nun comunicáu, en zarrando l'espediente informativu motiváu pol corréu electrónicu qu'envió un técnicu de Metro a una empresa de seguridá, decidióse abrir espedientes disciplinarios a dos trabayadores de la compañía y separar de les sos funciones al xefe del serviciu de Seguridá de Metro "por considerar que tendría que supervisar l'envíu del documentu".

   Metro afirmó que nun comparte "de nenguna manera nin el conteníu nin les espresiones" del corréu electrónicu, y calca en que "en nengún casu, ye oficial de la compañía".

    Güei, el conseyeru delegáu de Metro de Madrid, Ignacio González Velayos, va caltener xuntes con delles asociaciones LGTB y de persones sin llar pa esplica-yos en primer persona les circunstancies qu'arrodiaron l'envíu del documentu y les midíes a adoptar per parte de la compañía pa evitar que situaciones tan llamentables vuelvan tener llugar en metro.