L'expresidente de la patronal madrilana CEIM Arturo Fernández xustificó ante'l xuez de l'Audiencia Nacional Fernando Andreu los gastos que realizó cola so 'tarxeta black' de Caja Madrid nos sos propios restoranes. "¿Por qué escoyía los suyos?", preguntó-y el maxistráu. "Porque son más baratos y porque son mios", dixo.

   Fernández, que declaró como imputáu xunto con otros siete exconseyeros de la caxa madrilana na pieza separada del 'casu Bankia' na que s'investiguen les vises opaques al fiscu que teníen los exdirectivos de la entidá, aseguró que se trataba d'una "tarxeta tresparente" porque la entidá conocía tolos sos gastos.

   Nun momentu de la so declaración el xuez instructor preguntó al antiguu líder de los empresarios madrilanos --que gastó 37.300 euros cola so tarxeta, 10.500 d'ellos nos sos propios restoranes-- si conocía'l Grupu Cantoblanco. "Ye de la mio propiedá --dixo--. Les relaciones institucionales que tenía facíales nos mios restoranes y dempués dacuando facía una liquidación cola mio cuenta personal". "¿Y asina-y arredondiaba la cuenta?", preguntó-y el xuez. "Pues sí", contestó l'empresariu.