La Policía detuvo la madrugada d'esti vienres en Madrid a Francisco Nicolás Gómez Iglesias, conocíu como 'el pequeñu Nicolás', acusáu d'un presuntu delitu d'estafa por colar sin pagar d'un restorán, según informaron a Europa Press fontes policiales.

   Gómez Iglesias taba cenando nun restorán madrilanu. El personal del establecimientu telefonió a la Policía denunciando que colara sin pagar. Al mozu llocalizáronlu nun llocal de fiesta averáu sobre les 2.30 hores y treslladáronlu a la comisaría del distritu de Salamanca, onde se negó a declarar.

   El mozu abandonó la comisaría sobre les 8.00 hores, acompañáu del so abogáu particular, en llibertá con cargos por un presuntu delitu d'estafa.