Polo menos 23 persones morrieron pol accidente d'avión rexistráu esti miércoles na capital de Taiwán, Taipei, según un nuevu balance de víctimes confirmáu poles autoridaes llocales.

   Na aeronave, un ATR-72 --un avión comercial propulsáu por dos motores turbohélice--, viaxaben un total de 53 pasaxeros --de los que 31 yeren turistes chinos-- y cinco miembros de la tripulación. L'aeronave estrellóse minutos dempués de despegar del aeropuertu de Songshan, en Taipei.

   L'axencia oficial de noticies CNA confirmó la muerte de 23 persones, a les que sumaríen casi una ventena que permanecen desapecíes. El director del serviciu de Bomberos, Wu Chun Hung, dixo que pue haber pasaxeros atrapaos na parte delantera del avión.

Los equipos de busca alcontraron enseres personales de los pasaxeros a un kilómetru del llugar del accidente.