Nesti aconceyamientu, que tendrá llugar nel llocal d'Andecha Astur en Xixón, daránse les primeres pautes pa garantizar la presencia nes elleiciones nacionales d'una candidatura nacionaliega d'izquierda, el sofitu a candidatures populares non sucursalistes, siguiendo'l modelu de Conceyu Abiertu por Noreña, valoración de la situación política d'anguañu, apertura organizativa, l'afayamientu d'una cadarma participativa pa los simpatizantes, la definición d'una estratexa comunicacional que supere'l silenciamientu al que mos conderguen los medios de comunicación mayoritarios, les iniciatives a nivel de conceyu, nacional, estatal, européu... Una auténtica fargatada de decisiones que marcarán la táutica a siguir nos prósimos meses.

Los Aconceyamientos Xenerales d'Andecha Astur furrulen comu un conceyu abiertu nel que toles partes tienen el mesmu drechu a la participación, a voz y votu y al que puen asistir tamién simpatizantes siempres que lo soliciten previamente.