Dos españoles publicaron un videu n'Internet nel qu'espliquen los motivos polos que viaxaron a la rexón curda de Rojava, en Siria, pa lluchar contra los terroristes islamistes del Estáu Islámicu (ISIS), no que llamen "una guerra revolucionaria".

   Los activistes miren a cámara cola cara tapecida y, con una bandera republicana y otra comunista al llombu, espliquen n'español que s'unieron a los peshmerga curdos en solidaridá con otros compañeros "marxistes leninistes" que tán participando nuna guerra contra los yihadistes.

   "Ye una gran oportunidá de llograr la llibertá a pesar del gran enemigu que s'eleva que ye l'Estáu Islámicu", asegura unu de los españoles.

   Los españoles formen parte d'un grupu de ciudadanos d'Alemaña y Turquía que s'unieron a les Unidaes de Protección Popular (YPG, poles sos sigles en curdu), la principal milicia curda coles mires de defender la rexón kurga de Rojava d'Estáu Islámicu.

   Según afirmen nel videu unu de los españoles conoció "la revolución en  Rojava por collacios curdos n'España". "Paecíamos una situación bien comprometida y una situación revolucionaria a la que tendríamos qu'ayudar y mostrar la nuesa solidaridá", señala.

   El so compañeru empondera "la llucha del pueblu curdu contra la bestia facista Isis". "Vimos esta opción como una gran opción porque marxistes-leninistes taben lluchando nesta guerra que consideramos revolucionaria y digna d'apoyu. Nun podíamos quedar impasibles", afirma.