El ministru d'Economía y Competitividá, Luis de Guindos, aseguró esti xueves qu'España nun va salir de la crisis hasta que nun baxe en diez o doce puntos la so tasa de paru, esti añu ubicada nel 23,7%.

   De Guindos, en declaraciones a Capital Radio recoyíes por Europa Press, sorrayó que'l principal problema de la economía española, "la firida que sigue abierta", ye'l paru, especialmente'l de llarga duración.

   El ministru afirmó que los datos d'empléu "van ser bonos", pero darréu precisó qu'España nun pue llendase a eso. "hai que tener datos esaxeradamente bonos", apuntó.

   De Guindos indicó que dientro d'un par de años España recuperaría la renta que perdió mientres la crisis económica, pero insistió en que tovía queda "muncho por facer" en términos d'empléu y de reducción de la tasa de paru, especialmente no que cinca a los paraos de llarga duración.