La Coalición d'Izquierda Radical (Syriza) va formar un gobiernu de coalición col partíu de dereches Griegos Independientes, que refuga'l rescate financieru internacional, según afirmó'l líder de la formación conservadora en declaraciones a la prensa.

   "Quiero anunciar que, dende esti momentu, hai un gobiernu nel país. Los Griegos Independientes dan un votu de confianza al primer ministru, Alexis Tsipras. Hai un principiu d'acuerdu", afirmó'l líder de Griegos Independientes, Panos Kammenos, tres reunise col cabezaleru de la llista de Syriza, Alexis Tsipras, na sede del so partíu n'Atenes.

   "El primer ministru va ver güei al presidente pal so xuramentu y va anunciar la composición del gobiernu, nel que van participar los Griegos Independientes", aseguró.

   El pactu ente dos partíos opuestos marca una alianza pocu avezada ente dos partíos uníos pol refugu al programa de rescate promovíu pol Fondu Monetariu Internacional y la Unión Europea.