Atenes (Reuters/E.P.).- La Coalición de la Izquierda Radical (Syriza) amplió a 4,6 puntos la so ventaya sobre Nueva Democracia de cara a les elecciones parlamentaries que va celebrar Grecia'l próximu domingu, según un sondéu publicáu esti llunes.    La encuesta pel momentu da a la formación d'Alexis Tsipras un 33,5 por cientu de los votos, mientres que Nueva Democracia, que lidera un gobiernu del que tamién forma parte'l Movimientu Socialista Panhelénicu (Pasok), llograría'l 28,5 por cientu.    La mesma firma publicó'l miércoles pasáu otru sondéu nel que la distancia ente los dos partíos favoritos yera de 3,5 puntos. La respuesta definitiva va llegar el domingu, cuando los griegos escueyan la composición del Parlamentu.