Un home de 68 años mató esti llunes presuntamente a la so expareya, de 70, y a la hermana d'ella, de 64, y darréu quitóse la vida nuna vivienda de la urbanización Los Limoneros de Balsares, na pedanía d'El Altet, na población alicantina d'Elche, según informaron fontes policiales.

   Según estes fontes, les primeres hipótesis apunten a que l'home, de supuestamente utilizaría un oxetu contundente --que nun se determinó-- pa matar a los dos muyeres, que teníen unos 70 años, y darréu quitóse la vida aforcándose.

   Los fechos asocedieron al mediudía d'esti llunes. El presuntu autor taba denunciáu por violencia de xéneru pola so antigua muyer, por maltratu psicolóxicu continuáu n'agostu del 2013, anque absolviéronlu en payares d'esi añu, según informaron fontes policiales.

   Dende que se presentó la denuncia hasta qu'acabó'l procedimientu, dende l'Equipu de Violencia de Xéneru y Menores de la Policía Llocal d'Elche ficieron un siguimientu del casu, según esplicaron fontes del Conceyu ilicitanu.

   Foi un fíu de la excuñada'l qu'alcontró esti llunes los cuerpos. El Conceyu d'Elche convocó pa esti martes a les 12.00 hores un minutu de silenciu na Plaça de Baix en memoria de les víctimes y pa mostrar la refuga pol doble crime.

   L'alcaldesa d'Elche, Mercedes Alonso, espresó, al traviés de la so cuenta de Twitter, la so más "sincera repulsa" pol crime de violencia de xéneru qu'asocedió esti llunes na ciudá ilicitana y mostró les sos condolencies a familiares y amigos de les víctimes.