Les llistes d’éxitos son, agora mesmo, un pactu ente les grandes compañíes. Va un añu un diariu nacional publicaba los númberos reales de ventes de discos. Una persona o grupu que vendiera dos mil copies podía entrar nes llistes de grandes ventes y acceder, con poco más, al preciáu comercialmente dicu d’oru.

D’aquella p’acá, los medios fíxense nos nuevos medios de difución pa dar cuenta de los más sentío nel momentu. Baxo esta premisa, ellabórase esta llista de voces femenines asturianes cantando canción asturiana nun mediu como Youtube.

Estes son les 10 canciones asturianes en voz de muyer con más grande númberu de visualizaciones en Youtube:

01 “A la madre del mineru”, interpretada en xunto por Diamantina Rodríguez y Anabel Santiago, con un total de 67 mil reproducciones (en cuatro videos, que tienen 32 mil, 18 mil, 11 mil y 6 mil reproducciones)

02 “A la madre del mineru”, interpretada por Anabel Santiago xunto a Michael Lee Wolfe, con 49 mil reproducciones.

03 “Los Picos d’Europa”, interpretada por Anabel Santiago nel so discu Desnuda, con 48 mil reproducciones.

04 “La colombiana”, interpretada por Marisa Valle Roso xunto a Rodrigo Sturm, con un total de 32 mil reproducciones (24 mil en directo nel Teatro Campoamor y 5 mil y 3 mil reproducciones notres grabaciones)

05 “El galán d’esta villa”, videoclip nel qu’interpreten en directo esti cantar del so discu Desnuda, Anabel Santiago y Michael Lee Wolfe, 24 mil reproducciones.

06 “Puente d’agües braves”, interpretada por Anabel Santiago xunto a Los Berrones, con 21 mil reproducciones.

07 “El pícaro molinero”, interrpetada por Marisa Valle Roso nel espectáculu “Yá suena la gaita” na plaza Mayor de Xixón, homenaxe a Remis Ovalle y La Pastorina, con 19 mil reproducciones.

08 “La Virxen de Covadonga”, interpretada por María Teresa González Soto, con 17 mil reproducciones.

09 “Llímpiate col mio pañuelu”, interrpetada por Marisa Valle Roso nel espectáculu “Yá suena la gaita” na plaza Mayor de Xixón, homenaxe a Remis Ovalle y La Pastorina, con 16 mil reproducciones.

10 “Nun m’esperes”, interpretada en xunto por Mariluz Cristobal Caunedo y Carlos Rubiera,, acompañaos al piano por Gabino Antuña, con 14 mil reproducciones.