El fiscal xeneral del Estáu, Eduardo Torres-Dulce, presentó esti xueves la so renuncia al cargu, alegando motivos personales, y, según comunicaron fontes oficiales de la Fiscalía Xeneral del Estáu, la so intención ye volver al so puestu de fiscal nel Tribunal Constitucional.

   Los rumores sobre la inminante renuncia, que yá comunicó al ministru de Xusticia, Rafael Catalá, disparáronse'l miércoles de tarde dempués de que Torres-Dulce retirara sin dar nengún motivu de pesu dos nomamientos clave del orde del día del Conseyu Fiscal: el de fiscal xefe del Tribunal Constitucional y el de la Inspección Fiscal.

   Dende dellos mbitos entaináronse entós les especulaciones, de les que se vien falando mientres los últimos meses nel senu de la Carrera fiscal y que s'atribúin a la falta de sintonía de Torres Dulce col equipu del exministru de Justicia Alberto Ruiz-Gallardón.

   La engarrada vien de lloñe, sobremanera dende que se conocieron unos planes del Códigu Procesal Penal que nun cumplíen coles mires de Torres Dulce pa llograr la instrucción penal polos Fiscales.

   L'enfrentamientu cristalizó coles tensiones que precedieron a la interposición de la querella de la Fiscalía contra'l  presidente de la Generalitat, Artur Mas, y dos miembros del so gobiernu pola so intervención nel denomináu procesu participativo del 9P.

   Asina evidencióse mientres la última comparecencia de Torres-Dulce nel Congresu'l 26 de payares, cuando manifestó que nun se-y pue dicir que seya favoratible al Gobiernu de Mariano Rajoy y citó como exemplos que foi él el que solicitó la prisión del extesoreru del PP Luis Bárcenas y que caltuvo posiciones contraries al Ministeriu del Interior nos casos 'Bolinaga' y 'Matas'.

   "Nun voi tolerar nunca que'l Gobiernu me diga lo que tengo que faer, porque sería un delitu", dixo, y añadió: "Si tengo que caltener posición contraria al Gobiernu calténgola".