El xuez instructor del casu Nóos, José Castro, señaló esti martes nuna providencia que nun se pue tener por conseñaos los 587.413 euros depositaos pola Infanta Cristina nel marcu del casu Nóos, al apuntar qu'ésta ingresó'l dineru por error nun Xulgáu de Barcelona en confundiéndose de númberu de cuenta.

   Trátase de la cantidá que solicitó pa ella la Fiscalía Anticorrupción al considerar que la hermana del Rei Felipe VI arriqueciérase colos fondos supuestamente defraudaos pol so home, Iñaki Urdangarin, nel marcu de la trama empresarial entamada alredor del Institutu Nóos.

   Na so resolución, el maxistráu comunica a la defensa de la Infanta que "nun ye posible tener conseñada la cantidá que se diz pues, al paecer por error del conseñante", depositóse nuna cuenta distinta a la del Xulgáu d'Instrucción númberu 3 de Palma. Más en concreto, na del Xulgáu de primer Instancia númberu 15 de Barcelona.