La deuda del conxuntu de les alministraciones públiques algamó un nuevu récor nel tercer trimestre del añu al sumar 1.020.236 millones d'euros, lo que supón el 96,8% del PIB y una subida del 0,75% en relación col trimestre anterior, según los datos del Bancu d'España.
La deuda del Estáu queda en 891.936 millones d'euros, tamién nuevu récor, lo que supón yá'l 84,6% del PIB y un aumentu del 0,75%, en comparanza col segundu trimestre, mientres que l'endeldamientu de les comunidaes autónomes repicó hasta los 232.009 millones d'euros, un 1,6% más qu'ente abril y xunu d'esti añu.
Les corporaciones llocales, sicasí, baxaron la so deuda un 2,88% nel tercer trimestre, con un importe de 40.781 millones d'euros, el 3,9% del PIB, mientres que la Seguridá Social rexistró una deuda de 17.200 millones d'euros, prácticamente'l mesmu importe qu'un trimestre antes (17.203 millones), lo que supón el 1,6% del PIB.
