El repertoriu líricu asturianu ye grande porque contamos con compositores dende mediaos del sieglu XIX que vienen trabayando esti repertoriu, dende arreglos de pieces tradicionales a composiciones dafechamente d’autor.

Estes que cito a continuación son 10 canciones líriques d’agora mesmo. Tan d’agora mesmo que vas poder sentiles esti domingu 14 d’avientu a les 13:00h nel Auditoriu del Conservatoriu Superior de Música Eduardo Martínez Torner d’Uviéu. Un conciertu de la mano de la orquesta de cámara Ensemble Ars Mundi, dirixida por Yuri Nasushkin, y el coro de Los Peques del León de Oro, dirixíos por Elena Rosso Valiña, xunto a otra llarga serie de músicos y cantantes asturianos.

10 canciones líriques asturianes, bien d’elles de compositores actuales, y que son les siguientes:

01 “Nesta hora”, lletra de Teresa González y música de Fernando Agüeria.

02 “Pasando’l puertu”, lletra de José León Delestal y música d’Alfonso Sánchez Peña.

03 “Durme, nenu”, lletra del Padre Galo, “Fernán Coronas”, y música de Manuel Fernández Avello.

04 “Anxelinos”, d’Ángel Embil.

05 “Minuetín”, de Juan Noval-Moro.

06 “Cantarinos pa que suañes”, lletra de José María González Fernández y música de Luis Vázquez del Fresno.

07 “Campanines de mio aldea”, de Rafael Moro Collar.

08 “Tres hojitas, madre”, de Jorge Muñiz.

09 “El mio Xuan”, de Jorge Muñiz.

10 “Canción de cuna (añada)”, de Jorge Muñiz.

El conciertu va ser la presentación del CD “Música de cámara d’Asturies”, grabáu nel 2012, una grabación que contó como pieza adicional col arreglu de cuerda del “Asturias”, d’Isaac Albéniz.

La entrada al conciertu va ser llibre. Un bon conciertu pa comprobar el bon momentu pol que pasa la música de cámara asturiana con trabayos como’l que vien realizando dende va años l’Emsemble Ars Mundi, baxo la dirección de Yuri Nasushkin.