Madrid (E.P.) .-L'Estáu Islámicu publicó una guía na qu'enseña a los sos siguidores a tratar a les muyeres como mercancíes susceptibles de violaciones y palices, según informó'l Centru de Control de l'Amenaza Yihadista y Terrorista (JTTM).

   Los milicianos suninos emitieron una fatua que recueye "entrugues y respuestes sobre deteníes", acordies col  JTTM, en respuesta a la fola d'indignación que provocó l'usu de muyeres y neñes como esclaves sexuales.

   Les instrucciones consten d'un total de 27 preguntes coles sos respectives respuestes sobre les 'Al Sabi', como define como "muyeres del pueblu en guerra que resultaron capturaes por combatientes musulmanes".
   "Lo que fai lexítimo facer prisioneres ye la so falta de fe. Les muyeres non creyentes puen tenese como prisioneres, dempués de que l'imán les reparta ente nosotros", esplica l'Estáu Islámicu.

   El grupu yihadista calca na posibilidá de tener relaciones sexuales con estes muyeres. "Si ye virxe, el so dueñu pue tener relaciones sexuales con ella darréu, pero si nun lo ye, el so úteru tien que purificase", esplica.

   Amás, esclara que puen tenese relaciones sexuales con prisioneres que nun algamaren la pubertá, "siempre y cuando tean preparaes". Si nun lo tán el so "dueñu" tien que disfrutala" sin tener relaciones sexuales.

   L'Estáu Islámicu señala que, polo xeneral, ta prohibío caltener relaciones sexuales o cualquier otru tipu de contactu físicu cola prisionera d'otru home, "sacantes qu'ambos llegaren a un acuerdu pa compartila".