Una primera aclaración: toa tonada pue cantase a l’ayerana. De manera que, un cantador nun concursu pue presentase con “Hai una llinia trazada” y facela a l’ayerana. Ye más, si tuviera bona oreya y bonos conocimientos de tonada, podría cantar “Hai una llinia trazada” como tonada asturiana, como tonada ayerana y como tonada montañesa. Tres versiones estremaes d’un mesma melodía.

De toles formes, hai una serie de tonaes que, poles sos versiones ayeranes, quedaron nel imaxinariu collectivu como tonaes ayeranes. Un concursu como’l Ciudá d’Uviéu escueye 11 y ponles como modelu a escoyer pa presentase na fase final del concursu. Otros concursos más abiertos, como’l de La Nueva o’l Cuenca del Caudal, dan completa llibertá a los sos cantadores a la hora d’escoyer repertoriu.

Estes son 25 ayeranes de les qu’existen bien de versiones grabaes y que, en bien de casos, tamién puen afayase en youtube. 25 ayeranes pa poder variar el repertoriu de los concursos:

01 Corpus en Nembra

02 Me cariciabes

03 Pendu l’Argueyu

04 Saltó una chispa al payar

05 La cárcel de Llaviana

06 De llimón verde

07 Tuve na esfueya

08 Pola y el Pino

09 La Fumiosa

10 Al sombrao

11 Blanca o morena

12 El puente de Valdesoto

13 Reburdia y riñe

14 Tires al cuatro

15 La Carexona

16 Ñeve en Valverde

17 Del Gumial

18 Trenta riales de tachueles

19 Atéla con un cibichu

20 Pela mañana

21 Adiós la mio vaca pinta

22 Nel Rasón

23 Samartín de Morea

24 Altos de Cuaña

25 En picando y en forando

De xuru que, anque equí aparezan 25 ayeranes, cualuquier ta pensando en media docena más. Mesmamente, estos díes atrás, nun concursu como’l Cuenca del Caudal, na modalidá d’ayerana, yá se tien cantao dalguna más que nun ta nesti llistáu. Ye una bona noticia de la vitalidá del xéneru.