Esti añu’l Memorial Silvino Argüelles cumplía la 12 edición na que declaraba les 10 Meyores Voces del Añu, como resultáu de la votación d’un Xuráu d’Expertos que na edición 2014 tuvo integrada por un total de 15 persones, ente cantadores de tonada hestóricos, presidentes de concursos, músicos, musicólogos, aficionaos y periodistes.

A lo llargo de 12 años, la cita de los 10 campeones del Memorial Silvino Argüelles convirtióse na referencia obligada de la canción asturiana. Un bona temporada de clasificación en concursos y d’actuaciones en festivales o programes de televisión, ciérrase col resultáu de la votación.

A tolos cantadores de tonada d’estos últimos 12 años del sieglu XXI prestaría-yos formar parte d’esta llista, anque namás fuera per una vez. Ye’l baremu del grandor dientro de la canción asturiana actual.

Estos son los 29 cantadores de tonada que fueron nomaos ente 2003 y 2014 Meyor Voz del Añu:

01 Anabel Santiago, 12 años: de 2003 a 2014.

02 Jorge Tuya, 11 años: de 2003 a 2011 y de 2013 a 2014.

03 Marisa Valle Roso, 9 años: de 2006 a 2014.

04 Lorena Corripio, 8 años: de 2007 a 2014.

05 Rosario González, 8 años: de 2003 a 2010.

06 Liliana Castañón, 7 años: de 2003 a 2006 y de 2012 a 2014.

07 José Manuel Robledo “Lolo Cabranes”, 7 años: 2004, 2006 y de 2008 a 2012.

08 Sergio Agüeros, 7 años: de 2003 a 2004 y de 2006 a 2010.

09 Celestino Rozada, 6 años: de 2008 a 2013.

10 María Sánchez “Pastorina del Cares”, 5 años: 2004 y 2007 y de 2009 a 2011.

11 José Manuel Collado, 4 años: de 2003 a 2005 y 2010.

12 Urbano Prieto, 4 años: 2003 y de 2005 a 2007.

13 Andrés Cueli, 3 años: de 2012 a 2014.

14 Juan Robledo, 3 años: 2011, 2013 y 2014.

15 Rogelio Suárez, 3 años: 2005, 2007 y 2009.

16 Ismael Tomás, 3 años: 2003, 2005 y 2008.

17 Mariluz Cristóbal Caunedo, 3 años: de 2003 a 2005.

18 Álvaro Fernández Conde, 2 años: 2013 y 2014.

19 María Llatores, 2 años: 2012 y 2014.

20 Héctor Braga, 2 años: 2012 y 2013.

21 Juan José Martínez, 2 años: 2007 y 2011.

22 Laudelina Hortal, 2 años: 2006 y 2011.

23 Belén Arboleya, 1 añu: 2014.

24 Fernando Valle Roso, 1 añu: 2012.

25 María José García, 1 añu: 2008.

26 Jeremías Cuello, 1 añu: 2006.

27 José García, 1 añu: 2005.

28 Bibiana Sánchez, 1 añu: 2004.

29 Ángeles González, 1 añu: 2003.

Ye un premiu lo suficiente valiosu pa qu’una conocida cantadora enxamás premiada llamara al alcalde de Mieres pa quexase. La respuesta del señor alcalde, bon conocedor de la tonada, fue claru: “Ye siempre’l resultáu d’una votación. Y nuna votación, cada ún ye mui llibre de votar lo que quiera”. Ye lo qu’hai.