Madrid (E.P.) .-La Tesorería Xeneral de la Seguridá Social realizó esti llunes la disposición de 8.000 millones d'euros del Fondu de Reserva de la Seguridá Social, la conocida como 'hucha de les pensiones', informó'l Ministeriu d'Empléu y Seguridá Social.
El gabinete dirixíu por Fátima Báñez señaló que nesti mes d'avientu la Tesorería Xeneral de la Seguridá Social precisa "d'una importante necesidá de financiación pa facer frente al abonu de dos mensualidaes de pensiones: ordinariu y estraordinariu, asina como la liquidación del IRPF correspondiente a estos pagos".
Con esta disposición les reserves del sistema algamen l'importe de 42.675,98 millones d'euros, equivalente al 4,07% del PIB del añu 2013.
Dende la so creación y hasta el 1 d'avientu d'esti añu, el Fondu de Reserva xeneró rindimientos netos qu'ascienden a 21.843,48 millones d'euros, de los que 2.652,92 millones d'euros correspuenden a 2014.
