Que Marisa Valle Roso tenga decidío esta temporada 2014-15 nun participar en nengún concursu de canción asturiana non solo va en detrimentu de la calidá de los concursos sinon que tamién xenera un fondu pesar nos espectadores.

Naide dulda que tamos ante un gran momentu de les voces femenines, con xente como Lorena Corripio, Liliana Castañón, María Llatores o Belén Arboleya. Toes elles, voces bien moces qu’apuraron el relevu xeneracional enforma enantes de qu’amaga siquiera’l de les voces masculines. Por eso que, nesti momentu, el duelu ente toes elles alimenta l’espectáculu. L’ausencia voluntaria d’una d’elles, nesti casu de Marisa Valle Roso, nótase enforma.

D’ehí que traiga equí nesti momentu 10 tonaes grabaes de Marisa Valle Roso pa nun echala tanto de menos nesta ausencia. Por más que la sigamos viendo en festivales y bien d’otres actuaciones.

10 tonaes que la voz de Marisa Valle Roso convierte en versiones clásiques del xéneru:

01 “Carbonerina de Sama”, en Cantares de Mina (2003).

02 “La Soberana”, en Un Pasu Más (2008). Piano: Xaime Arias.

03 “Para castañes, Tremañes”, en Un Pasu Más (2008). Piano: Xaime Arias.

04 “Al pasar per el puertu”, en De lo Fondero l’Alma (2011). Piano: Xaime Arias.

05 “Hai una llinia trazada”, en De lo Fondero l’Alma (2011). Gaita: Pablo Carrera.

06 “Anda y señálame un sitiu”, en De lo Fondero l’Alma (2011). Piano: Xaime Arias. Gaita: Pablo Carrera.

07 “Arboleda bien plantada”, en De lo Fondero l’Alma (2011).

08 “Clavel encarnáu”, en De lo Fondero l’Alma (2011). Guitarra: Rodrigo Sturm. Panderu y payel.la: Estefanía Moro.

09 “Colombiana”, en De lo Fondero l’Alma (2011). Guitarra: Rodrigo Sturm.

10 “La paxarina”, en De lo Fondero l’Alma (2011). Piano: Xaime Arias.