Esti sábadu pasáu tuvo llugar l'aconceyamientu del muérganu de Cordinación, que cuntó cola presencia del nuesu eurodiputáu Josu Juaristi, miembros del so equipu na XE y representantes de les formaciones que componen la coalición Los Pueblos Deciden.

Nel aconceyamientu al qu'asistieren en representación d'Andecha Astur Paulo Arboleya y Marcos A. Fdez, tratárense les actuaciones llevaes alantre fasta agora nel Parllamentu Européu, desplicárense les llinies básiques de la nuesa intervención y la planificación de propuestes pa los prósimos meses, nos qu'esperamos llevar alantre una riestra iniciatives en temes prioritarios pa la sociedá asturiana.

Asina mesmo aprebóse una Declaración de conderga a l'agresión rializada a Greenpeace y a Canaries. 

Remembrar que l'europarllamentariu de la coalición Los Pueblos Deciden ye miembruu de GUE/NGL, el grupu d'izquierda del Parllamentu européu, pero que tamíen trabay conxuntamente col grupu parllamentariu EFA/ALE, integráu fundamentalmente por representantes de naciones ensin estáu, colo que se pretende garantizar les meyores opciones pa trabayar dende'l duple compromisu de valores de xusticia social y de reclamación de la soberanía, que carautericen a la coalición cola qu'acudiemos a la Xunión Europea.

Arriendes d'ello, la nuesa coalicón ye miembru de os comités del Parllamentu ENVI (mediu-ambiente, salú y alimentación) y en REGI (Política Rexonal), qu'inclíu ente les sos materies de trabayu la cohesión social, económica y territorial.

Notru sen, tamién se fai un seguimientu del Tratáu de Llibre Comerciu -en negociación- ente la XU y los EEXX, y les iniciatives de Paz y pol Drechu a Decidir de los Pueblos, en los procesos de Palestina, Irlanda, Colombia, ente otros, y desmarquémomos de l'actitú d'inxjerencia de la XE n'Ucrania.