Mediu millar d'inmigrantes en dellos grupos tentaron esta madrugada d'entrar en Melilla per dellos puntos de la valla que separa España de Maruecos. Los intentos tuvieron llugar ente les 5 y les 7.15 hores d'esti xueves.
El grupu más numberosu, conformáu por unos 200 inmigrantes d'orixe subsahariano, foi'l que más llogró averase al perímetru pela zona cercana al Campusantu musulmán, pero quedaron a unos 200 metros, gracies a la cooperación de les fuerces marroquines qu'actuaron coordinaes colos efectivos de la Guardia Civil.
El sistema d'alerta temprana de la Benemérita, xuntu al helicópteru que vixila la frontera, y l'espliegue de les unidaes de la Comandancia de la Guardia Civil y módulos ARS, resultó "crucial" que los inmigrantes llograren llegar a la valla, según un comunicáu de la Delegación de Gobiernu de Melilla.
Colos aproximamientos de güei yá son más de 15.000 los intentos individualizaos de saltar la valla de Melilla per parte d'inmigrantes irregulares a lo llargo d'esti añu, de los que menos de 2.000 llográronlo.
