Queda por escribir la hestoria de los concursos de canción asturiana. La noticia d’ellos queda desperdigada pola prensa d’época y pola memoria de los cantadores y entendíos del ámbitu de la tonada.

La falta d’información ye grande, dende la noticia que se tien de 1922 nel que s’organiza’l primer concursu de canción asturiana na plaza de toros d’Uviéu, organizáu por Baldomero Fernández, Eduardo Martínez Torner y Juan Uríu Rius, ente bien d’otros músicos y escritores.

Asina, rescatándolos de la memoria, estos sosn 10 concursos de los más importantes del tiempu, colos sos ganadores. 10 concursos de va más de medie sieglu que dexen constancia de les grandes voces que los ganaron:

01 (1922) Concurso de Floclor de la Plaza de Toros d’Uviéu, que ganó Vicente Miranda Rodríguez, “Miranda”.

02 (1928) Concursu de Canción Asturiana de Les Cubes (Llangréu), que ganó Arsenio Fernández, “El Polenchu”.

03 (1943) Concursu de Tonada de L’Entregu, que ganaron Obdulia González Zapico y Severino García Torre.

04 (1948) Concursu de Canción Asturiana de Región-Radio Asturias, nel Babel, que ganaron José Requejo, Carlitos el de Muries y Josefina Fernández.

05 (1948) Concursu de Sotrondio, que ganó Arsenio Fernández, “El Polenchu”.

06 (1951) II Concursu de Canción Asturiana de Región-Radio Asturias, nel Babel, que ganaron Carlitos el de Muries y Veneranda Fernández.

07 (1951) III Concursu de Canción Asturiana de Región-Radio Asturias, nel Babel, que ganaron Anibal Menéndez Corujo, José Noriega y Diamantina Rodríguez.

08 (1955) IV Concursu de Canción Asturiana de Región-Radio Asturias, nel Babel, que ganaron José Fernández García, “El Tordín”, y Margarita Blanco Alonso.

09 (1959) Concursu Rumbo a la Gloria, que ganó Gerardo Orviz.

10 (1961) Concursu Salto a la Fama de Mieres, que ganó José Fernández, “El Tordín”.