La Policía Nacional alcontró a lo último esti martes los cadabres d'una muyer de 32 años y de la so fía de 9 años desapaecíes pel branu nun pozu del conceyu de San Vicente de la Cabeza (Zamora), informaron a Europa Press fontes de la investigación.

   Los axentes toparon esta mañana los cuerpos sin vida de les dos muyeres, de nacionalidá dominicana y que vivíen en Madrid. La desapaición, denunciada pola güela de la pequeña, tuvo llugar el 30 de xunu pasáu. La fía tenía pensao tomar un vuelu al so país pero nun llegaron nin coyer les sos maletes de casa.

   Dempués de dos meses de busca y d'investigación policial, la pareya de la muyer de 32 años supuestamente resultó deteníu y confesó a la Policía que les mató y enterróles. Nel día d'ayeri un operativu policial buscó a les muyeres sin éxitu nun parque de la Devesa de la Villa de Madrid, cerca de la Ciudá Universitaria.

   L'arrestáu llámase Raúl, tien unos 30 años, ye español y nun ye'l padre de la pequeña Angelys. Vivía con ella y Adolfina xuntos dende diba trés años nuna casa del madrilanu barriu de Vallecas.

   Familiares de les víctimes alvirtieren a los axentes del calter violentu del arrestáu, según indicaron a Europa Press fontes policiales. La investigación alcuéntrase baxo secretu de sumariu.