Axentes de la Policía Nacional arrestaron a cuatro sacerdotes esti llunes pola so presunta relación colos casos de pederastia denunciaos en Granada, según informó'l ministru del Interior, Jorge Fernández Díaz ante los medios de comunicación.
"Va tiempu yá que tán abiertes unes dilixencies declaraes secretes. Esta mañana procedióse per parte de la Policial a la detención y puesta a disposición xudicial de cuatro persones, cuatro sacerdotes implicaos nesi asuntu", dixo'l ministru.
Fernández Díaz evitó dar más detalles sobre la investigación o'l númberu de denuncies presentaes nesti casu por esi calter secreto de les dilixencies abiertes, anque especificó que'l so departamentu tenía conocencia del casu dende "va tiempu" y "non solo pelos medios de comunicación". "Nun pueo entrar na concreción", señaló.
En cuanto al impactu d'un casu asina pa la Ilesia, el ministru remitióse a la opinión sobre esti asuntu espresada pola Conferencia Episcopal Española y defendió que "la máxima xerarquía de la ilesia, el Papa, foi precisamente'l foi más batallosu pa qu'esti casu saliera a la lluz".
"Creo que naide pue poner en cuestión que Juan Pablo II, Benedicto XVI y agora'l Papa Francisco tán siendo batallosos dafechu pa erradicar del senu de la Ilesia esti tipu de comportamientos qu'a toos nos trescalen y a toos mos producen un dañu bien grande", señaló.
