Mariluz Cristóbal Caunedo (Tinéu, 1948) ye la voz femenina más referenciada a la hora de falar del tránsitu de la tonada asturiana de finales del sieglu XX a primeros del XXI. Bien de los sos trabayos, como la “Misa Asturiana de Gaita”, nel apartáu de recuperación de dalgo único y propio de la nuestra música tradicional, o’l conocidísimu “Onde la ñublina posa”, discu clave del cambiu de sieglu, cuenten con canciones asturianes que formen parte de la memoria de tolos asturianos y que, pa los mozos de les nueves xeneraciones, tan acabando por convertise en clásicos.

Dotada d’una voz escelente y mui reconocible, el so gustu particular nel fraséu y la llimpieza de les sos interpretaciones, van sirvir de modelu a les nueves xeneraciones del futuru y, dafechu, yá ye la gran dama de la canción asturiana pa les del presente.

Válenme estes 10 canciones asturianes pa dar un repasu mui someru a una amplia obra grabada. Un resumen que recueye la variedá de xéneros que tocó: tonaes soles, a la gaita, al piano, de misa, vaqueiras y canciones arreglaes, y nos qu’ella se revuelve magníficamente.

10 clásiques del so repertoriu:

01 (1984) A la mar vanse los ríos, de “Cantando por Asturias: dos campeones de nuesrtra tonada”

02 (1984) De la llende los pastores , de “Cantando por Asturias: dos campeones de nuesrtra tonada”

03 (1984) Voi a Uviéu, voi con lleche, de “Cantando por Asturias: dos campeones de nuesrtra tonada”

04 (1984) Al pasar per el puertu, de “Cantando por Asturias: dos campeones de nuesrtra tonada”

05 (1998) Kyrie, de “Misa Asturiana de Gaita”.

06 (1998) Gloria, de “Misa Asturiana de Gaita”.

07 (2001) Onde la ñublina posa, de “Onde la ñublina posa”.

08 (2001) La Soberana, de “Onde la ñublina posa”.

09 (2005) Somedana, “Cantar de Seronda”.

10 (2005) A Covadonga, “Cantar de Seronda”.

Mariluz Cristóbal Caunedo cuenta con enforma repertoriu como pa, ensin gran problema, escoyer otres 10 canciones y ser tan sorprendentes como les citaes.