Madrid (E.P.).-El misioneru salesianu y responsable de los países de fala inglesa del África Occidental, Jorge Crisafulli, indicó que tienen la sensación de tar "perdiendo la batalla" contra l'ébola, dao que l'ayuda internacional llegó "demasiao tarde y amodo" a los países afectaos.

   Según precisó, l'últimu informe que recibió de Sierra Lleona contabiliza unes 80 infecciones diaries, una cifra qu'en diez díes va enllenar les 800 cames llibres qu'hai nos hospitales. Amás, los misioneros apunten que los númberos d'infectaos puen ser "hasta dos o hasta cuatro veces más grandes" que los oficiales.

   Crisafulli esplicó que, cuando nun hai sitiu pa un afectáu pol ébola, envíaselu de vuelta a la so casa y precíntase pa que nun entre naide. Esta situación fai que families enteres, con padres y fíos, muerran contaxaos pol virus permaneciendo ente trés y cinco díes hasta que'l Gobiernu recueye los cadabres, según indicó.

   Amás, indicó que, "magar les promeses" de grandes potencies de "millones de dólares, llibres esterlinas y euros" nunpue "probase" que'l dineru llegue a los afectaos. Por ello, reclamó a la comunidá internacional "que faiga daqué rápido" y "non solo prometa dineru o diga que van construyir hospitales" porque, según añadió, lo que fai falta son "médicos, enfermeres, técnicos de llaboratoriu".

   De momentu, Misiones Salesianes envió 100.000 euros a Liberia y Sierra Lleona pa mercar comida y material sanitario. Coles mesmes, emplegáronse 40.000 euros pa tresformar una escuela nun refuxu pa neños güérfanos por ébola y en campañes de prevención nes que los protagonistes son los mesmos ciudadanos d'estos países que representen obres de teatru peles cais o canten cantares pa sensibilizar