La Xunta Executiva d'Andecha Astur fexo un votación simbólica en defensa de la soberanía catalana, la soberanía asturiana y la soberanía de los Pueblos, porque Los Pueblos Deciden.

L'aconceyamientu de la Xunta Executiva d'Andecha Astur valió non solo pa la planificación de la xera política, sinon tamién pa sofitar al Pueblu Catalán na so valiente decisión de llevar alantre'l más básicu de los drechos democráticos: el drechu a decidir.

Dende Asturies seguimos con auténticu enfotu esti procesu democráticu qu'abre les puertes al restu de les naciones del Estáu español p'algamar los drechos democráticos que mos correspuenden comu nación, aidándomos a algamar el futuru de llibertá al que tenemos drechu y al que nun va poder oponese'l Gobiernu español cola so mezquina cerrazón.