La tonada ayerana, el xéneru característicu del conceyu d’Ayer y que s’estiende por bien de conceyos de la cuenca del Caudal, vuelve tar en primera llinia. El Concursu de la Canción de les Mines de La Nueva de Llangréu vuelve dar un premiu a la meyor tonada ayerana. El Concursu de Canción Asturiana y Ayerana Cuenca del Caudal incorpora la modalidá de Canción Ayerana nes sos bases. Y, per último, el Concursu y Muestra de Folclor Ciudá d’Uviéu desixe nes sos bases que los cantadores qu’aporten a les finales tengan de cantar una tonada ayerana.

Con too ello, bien de xente, non solo cantadores, tan nenesitaos de ponese aína al día en tonada ayerana. Esti ye un repasu más que rápida a 10 tonaes imprescindibles. Hai bien d’elles más, pero ensin dulda estes tamién tendríen de tar presentes nel repertoriu a sentir por tolos que quieran concursar y polos que quieran saber del tema y del repertoriu.

10 tonaes ayeranes nes qu’incluyo la versión del cantador, por más que nesti apartáu cada quién va tener la d’él:

01 “Me cariciabes”, Atauldo Lada Camblor

02 “Sató una chispa al payar”, Veneranda Fernández

03 “La cárcel de Llaviana”, Carlitos el de Muries

04 “La Pola y el Pino”, Pepín de la Rumiá

05 “Caballu al verde”, José Requejo

06 “Reburdia y riñe”, Tonín de Nembra

07 “Tires al cuatro”, Jaime Caleya

08 “La Carexona”, Román Prieto

09 “Ñeve en Valverde”, Pepe l’Ayerán

10 “Kyrie”, Salvador Vázquez (cuido que nun ta grabada y que nun hai más posibilidá que sentila en directo)