L'euru reaccionaba a la baxa tres les palabres del presidente del BCE, Mario Draghi, y cambiábase a 1,2396 dólares, el so nivel mínimu dende agostu del 2012.
Draghi anunció na so tradicional rueda prensa tres la xunta del Conseyu de Gobiernu del BCE que la institución ta preparada p'adoptar midíes adicionales non convencionales si son necesaries pa combatir el riesgu de deflación na eurozona.
La inflación de la zona euru quedó n'ochobre nel 0,4%, perbaxo del oxetivu del institutu emisor del 2%.
L'euru abrió la sesión a 1,2485 dólares y algamó un máximu de 1,2533 y un mínimu de 1,2396 dólares.
