Esploraciones Mineres del Cantábricu (Emc) anunció esti martes que va proceder nos próximos díes a la reducción de la so plantiya de trabayadores y collaboradores esternos, una vez qu'acabó los trabayos de promoción del proyectu mineru de Salave (Tapia de Casariego) y ta la espera de la resolución del Principáu d'Asturies sobre la preceptiva Declaración d'Impactu Ambiental.
Según esplica la compañía nun comunicáu, la última información de l'Alministración al respecto correspuende al pasáu mes de xunetu. Emc aseguró que "invirtió sobre vente millones de dólares dende l'entamu de los trabayos y trámites necesarios pa la esplotación del xacimientu, va cuatro años y mediu, cuando les previsiones iniciales yeren qu'esta fase nun durara más de venticuatro meses".
La empresa minera afirmó que "l'axuste llaboral qu'agora se llevará a cabu" y qu'afecta a la mayor parte de la plantiya "tendría'l so efectu llendáu nel tiempu si, como s'espera, la compañía llogra les oportunes autorizaciones pal desarrollu minero previsto".
