La presidenta del PP de Madrid, Esperanza Aguirre, calificó de "gran traición" lo que-y fizo l'exconseyeru Alberto López-Viejo, somorguiáu na trama Gürtel, y lo que-y fizo "agora" el so tamién exconseyeru, Francisco Granados, principal cabezaleru de la operación Púnica y pola que nesti momentu alcuéntrase na prisión d'Estremera.

   En calificando de "seronda terrorífica" l'actual, polos socesivos casos de corrupción (Púnica, Gürtel, ERE, Pujol, Bárcenas), Aguirre aseguró nuna entrevista en Telecinco, que nunca tuvo conocencia, nin d'oyíes, de los negocios escoros del que fuera'l so númberu trés. Tamién recordó que lu cesó va dos años y mediu, primero como conseyeru y dempués como secretariu xeneral del PP de Madrid.

   Retirólu d'esos cargos pero por nada que "tuviera que ver cola corrupción" sinón porque pensaba que'l secretariu xeneral "tenía que tener más dedicación al partíu y non a sí mesmu". Lo último yá foi la filtración per parte de Francisco Granados d'una midida qu'ella diba anunciar.

   Tamién esplicó qu'esperó a que pasaren les elecciones xenerales de payares del 2011 pa cesalu pa que, "si nun se sacaba un bon resultáu, nun-y lo reprocharen a la engarradiella del secretariu xeneral del PP de Madrid".